Ձեր վստահելի աղբյուրը

Կանադայում այսօր մեկնարկում է «Նուռ» միջազգային կինոփառատոնը, որի մրցութային բաժնում ընդգրկված է նաև «Մարգար պապը» ֆիլմը: Կարճամետրաժ խաղարկային ֆիլմը նկարահանվել է Հայաստանի ազգային կինոկենտրոնի աջակցությամբ, 2011թ: Կինոնկարը մասնակցել է բազմաթիվ միջազգային կինոփառատոների և արժանացել մրցանակների:
Ֆիլմը ընդգրկված է նաև հոկտեմբերի 24-28-ը Երևանում կայանալիք «Ես եմ» 7-րդ միջազգային երիտասարդական կինոփառատոնի մրցութային բաժնում:

Հաճախ երկրների միջև գոյացող սահմանային և քաղաքական անհամաձայնությունները կամա թե ակամա անդրադառնում են ազնիվ ու աշխատասեր մարդու ապրելակերպի վրա: Այս է Մարգար պապի հոգսը, երբ մի առավոտ արթնանալով պարզում է, որ տասնամյակներով իր տանն ու հողին մաս կազմող արտաքնոցը հայտնվել է ուրիշ պետության սահմանում: Սահմանապահների և գյուղապետի սահմանը չխախտելու անհեթեթ բացատրությունները` աշխարհին շիտակ հոգով վերաբերվող Մարգար պապի համար չեն, և նա ստիպված է լինում հողագործի բահը մի կողմ դնել, խրամատ փորել և զենքով պաշտպանել իր ունեցվածքն ու պատիվը:
Ֆիլիմի սցենարի հեղինակն է Արթուր Մկրտչյանը, ռեժիսորը` Գուժ Թադևոսյանը, դերակատարներ՝ Կարեն Ջահանգիրով, Ժորա Դիլանյան, Լիոնյա Գալստյան, Նարեկ Աղեկյան:

Նախորդող նորություններ`  «Մարգար պապը». Մրցանակների արժանացած ֆիլմը շուտով կցուցադրվի նաև Թեհրանում

  «Մարգար պապը» առաջիկայում ցուցադրվելու է միջազգային կինոփառատոնների մրցութային բաժնում

  Գուժ Թադևոսյանի «Մարգար պապը» ֆիլմը միջազգային կինոփառատոնում արժանացել է դիպլոմի